وكالات//

شعلات العافية بزاف، مع الفجر ديال البارح الخميس، فمبنى إذاعة “صوت المدى” وراديو “Fame” فمنطقة المطيلب فلبنان، وخلفات أضرار كبيرة.

وبسبب هاد الشي، خرجات الإذاعة وعتاذرات من المستمعين والجمهور ديالها، حيث البث توقف حتى لإشعار آخر.

ويوم الاثنين اللي فات، ساعد الشتا اللي طاحت بشكل مفاجئ رجال الوقاية المدنية فلبنان باش يطفيو واحد الحريق كبير فواحد المنتجع السياحي، والحمد لله ما كانوش خسائر فالأرواح.

ووسائل إعلام لبنانية قالت بلي الشتا بدات كاتطيح مللي كانو رجال الإطفاء كايحاولو يسيطرو على العافية، اللي وصلات حتى للطوموبيلات اللي كانت واقفة تحت المبنى.