وكالات//

قالت مصادر أن جينيفر لوبيز ما عجبهاش الحال فاش شافت صور حبيبها السابق بن أفليك وهو كيدوز وقت مع مراتو السابقة جينيفر گارنر.

العلاقة الطيبة بين أفليك وگارنر، اللي فيها زيارات متكررة وصور عائلية كيبان فيهم بن وهو كيعنق جينيفر، كتقلق لوبيز، خصوصاً من بعد الطلاق ديالها الأخير منو ففبراير.

المصدر أكد أن هاد الوضعية كتشكل “الملح فالجرح” بالنسبة لجينيفر لوبيز. ولكن كاينين أخبار أن لوبيز دابا كتركز على مشروعها الفني الجاي، فيلم “Office Romance” من انتاج “نتفلكس”، وكتركز على حياتها الشخصية مع ولادها.

من جهة أخرى، بجوجهم أفليك وگارنر بانو فمناسبات عائلية مؤخراً، وكيتواصلو مع بعضهم بشكل مستمر، وهاذ الشي كيخلي الناس يديرو تكهنات على العلاقة ديالهم من بعد انفصالهم ف2018.

وعلاقتهم العائلية المتينة اللي فيها تربية ولادهم خلات الناس يظنوا أنهم معتمدين على بعضهم أكثر من بعد الطلاق ديال أفليك و لوبيز.