الرئيسية > كود-تيفي > بسباب تشالنج ف”تيك توك” طاح كوما.. عائلة خسرات قضية استمرار ربط ولدها الصغير بأجهزة التنفس الصناعي – فيديو وتغريدة
09/08/2022 02:00 كود-تيفي

بسباب تشالنج ف”تيك توك” طاح كوما.. عائلة خسرات قضية استمرار ربط ولدها الصغير بأجهزة التنفس الصناعي – فيديو وتغريدة

بسباب تشالنج ف”تيك توك” طاح كوما.. عائلة خسرات قضية استمرار ربط ولدها الصغير بأجهزة التنفس الصناعي – فيديو وتغريدة

وكالات //

4 شهور من بعد المأساة اللي وقعات لولدها الصغير، خسرات عائلة بريطانية الدعوة القانونية اللي رفعاتها فالمحكمة باش تخلي أجهزة التنفس الصناعي راكبة للوليد اللي كان ميت سريرياً، وسط صبيطار لندن فمنطقة “Whitechapel”.

العائلة ديال “أرتشي باترسبي” (Archie Battersby)، اللي عندو 12 عام، قالت أن ولدها كان شارك فتشالنج غبي وخطير فموقع “تيك توك” المعروف بإسم “التعتيم”، وهو حبس النفس على الدماغ بواسطة حبل حتى كيغيب الواحد. اللي تضرر بسبابو الدماغ ديال “أرتشي” بزاف، ومن بعد فعلا غيب لكنه بقا فهاد الحالة كوما لمدة 4 شهور حتى مات بعدما حيدو ليه الأطباء أجهزة التنفس.

وكانت أم الطفل قالت فوقت سابق بللي ولدها كان عايش غير بفضل مختلف الأجهزة قبل ما ينصحوها الأطباء باش تحيدهم ليه لأن علاجو مستحيل، وقررات أنها تمشي للمحكمة لكن فاللخر خسرات القضية لأن “كل الدلائل كتقول أن ولدها كان ميت والأجهزة هي اللي مخلياه حي وماكاينش حتى أمل باش يبقا يصح ويفيق من الكوما ويولي بيخير”.

وهاد القرار صدم فاميلة الضحية “أرتشي” وخصوصا ماماه، اللي تعاطفو معاهم بزاف ديال الناس اللي وصلاتهم خبار هاد المأساة والمعاناة اللي بدات هادي شي 4 شهور.

موضوعات أخرى

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة