كود كازا ///

علمت “كود” باللي منتجة جزائرية ف”BMC” المغرب، تدخلت بقوة من أجل توقيف الإعداد لبرنامج تم اقتراحه على الصحفية بشرى الضوو من أجل تقديمه.

من بعد ما كانت متحمسة للتعامل مع الصحفية الضوو، هذه المنتجة الجزائرية تبدلات فتعاملها مع الضو بعدما وصلو ليها صحاب الحسنات من لمغاربة، تدوينات الصحافية اللي كتعبر على مواقف شخصية تجاه القضية الوطنية.

مصادر “كود” قالت باللي شي حد محسوب على الإعلاميين لمغاربة هو اللي برگگ. كان يرسل فيها سكرينتات بشرى، ضد الجيران.

هاد كاري حنكو يمكن خاف من الضو يضربو وقلبها بركاك واخا بالكذوب والتحراميات.

المهم وفق مصادر “كود” كلشي كان كيتوجد وكانت هاد الجزائرية بصدد التنسيق مع فريق إنتاج معروف فالمغرب باش يعد البرنامج اللي عبارة عن talk Show باسم : “مرحبا شو”.

هذا البرنامج تم اقتراحه على الصحافية بشرى الضوو من أجل تنشيطه على طريقة برنامجها “ضربك الضوو”، الفرق هو أن الضيف يكون بارك ماشي كيجري وبشرى تابعاه.

وعبرات عدد من الشركات لكبيرة فالمغرب على رغبتها فانتاجو لبشرى الضو وبدا الإعداد له في ماي 2023 تقول مصادر “كود”.

اتصلنا بالصحفية بشرى حول الموضوع واكتفت بالرد على سؤال “كود”: “أنا أميرة ببرنامجي ضربك الضوو، متميزة به، سعيدة بين وليدات بلدي، أنا شبعانة شهرة ولا أسعى للمزيد بل هم الذين يسعون ورائي باقتراح أفكار برامج جديدة، وطبعا الواحد ماخاصوش يعاند العطار بقبطة ديال الشيح”.