الرئيسية > كود-تيفي > بسباب بوسة ناضت روينة.. البراءة لممثلة هندية من بعد 15 لعام ديال الستريس! – فيديو
27/01/2022 01:00 كود-تيفي

بسباب بوسة ناضت روينة.. البراءة لممثلة هندية من بعد 15 لعام ديال الستريس! – فيديو

بسباب بوسة ناضت روينة.. البراءة لممثلة هندية من بعد 15 لعام ديال الستريس! – فيديو

وكالات //

خدات الممثلة الهندية “شيلبا شيتي” (Shilpa Shetty) البراءة من تهمة “ارتكاب فعل فاحش” اللي بقات تابعاها 15 عام حيت باسها الممثل الميريكاني “ريتشارد جير” (Richard Gere) في حنكها سنة 2007، ملي كانت كتقدم الحفل اللي تدار لفائدة الناس المراض بالكونصير نهار 15 أبريل فمدينة نيودلهي.

المحكمة ومن بعد سنوات طويلة قالت أخيرا أن الممثلة كانت ضحية ديال تصرف ماكانتش موافقة عليه.

البوسة نوضات ديك الوقت الحيحة والناس خرجو حتجو، خصوصا من أتباع الجماعات الهندوسية المتطرفة اللي اعتابرو البوسة “إهانة” للقيم الهندية. وحتى فالهند، بحال بزاف ديال البلايص فالعالم، كاين اللي كيعتابر البوسة فالأماكن العامة من المحرمات.

الكلاخ و التخلف ماعندو حدود للأسف. أصلا فالوقت اللي خاصهم يوقفو مع الممثلة لأنها كانت ضحية اعتداء على شخصها فقط لأنها مرا، فاش ناض الممثل وباسها بلا موافقتها.. عوض يساندوها صدقو الغالبية هاجموها بكونها هي السبب ولافوت دانت ديالها!

الممثل ريتشارد كان اعتاذر وأكد أنه ماقاصد والو وبللي تصرف هكذاك غير بالفرحة، ومع ذلك تعرض للانتقاد من بعض الناشطات لأنه تجاوز حدودو وهجم على السيدة وبدا كيبوس فيها بلا موافقتها وأصلا هي كانت خدامة مامسالياش ليه كتقدم الحفل فوق لاسين قدام جمهور غير كيصفق ويضحك بغباء وعاجبو  الحال.

وها فيديو “الحادثة” من الأرشيف :

موضوعات أخرى

18/05/2022 13:20

الداكي: القضاء عندو دور أساسي فحماية الحقوق والحريات و925 قاضي وقاضية استفادو من بروكَرام خاص لتعزيز قدراتهم فهاد المجال – تصاور

18/05/2022 13:00

بنيّة عندها 6 سنين ماتت فيه البارح. المستعجلات فصبيطار بنكَرير فيها غير الأطباء الداخليين ومكاينش الأطباء الاختصاصيين.. وأي حالة صعيبة إلا متوفاتش كيصيفطوها لمراكش

18/05/2022 11:30

بعد فتح حدود سبتة ومليلية.. بنعيسى لـ”كَود”: المغرب فرض واقع جديد فعلاقتو مع إسبانيا وإيقاف الطراباندو نهائيا دار حد لخسائر كانت كتفوت نص مليار دولار كل عام

18/05/2022 11:20

نقابة ال”ODT” للحكومة: كنطالبو بإلغاء الضريبة على الدخل بالنسبة لمعاشات التقاعد وخاص يستافدو حتى المتقاعدين من أي زيادة تقررات فالصالير