كود – كازا ///

قالت مواقع إسبانية، أن موسوس دي اسكوادرا (الشرطة الكتالونية الإقليمية) شدو، مؤخرا، مهاجر سري كيحمل الجنسية السنيغالية بسباب التورط ديالو ف جريمة قتل مغربي.

وأضافت المصادر ذاتها، أن الضحية والمتهم بجوج عندهم سوابق إجرامية متعددة، وأن الجريمة وقعات صباح البارح السبت، ف تيراسا ببرشلونة.

وحسب المعلومات المنشورة، يحاول المغربي يسرق بورطابل ديال السنغالي، لكن الأخير دافع على راسو وجبد جنوية وطعن بيها المغربي اللي فقد بزاف ديال الدم وتعرض لسكتة قلبية تنفسية وسط الشارع.