كود – كازا ///

قالت مؤسسة الإذاعة والتلفزيون الإسبانية، أن الفيديو المنتشر ف السوشيال ميديا على الفاصوليا الخضراء (الجلبانة) اللي جاية من المغرب لا يثبت أنها ضارة، والقضية كتعلق فقط ببقع ديال الكلوروفيل بانت مع الضو ديال پييل ديال الأشعة فوق البنفسجية.

واستاشرات خدمة (VerificaRTVE) مع خبير الغذاء والتغذية والسلامة الغذائية بكلية الصيدلة بمالگة، خوسيه ماريا غارسيا جالديانو، واللي أكد أن البقع الباينة ف هاد الخضروات ترجع إلى الكلوروفيل، وهي صبغة وجودها طبيعي ف الخضروات. واعتبر الخبير الإسباني أن الأشعة فوق البنفسجية من وجهة نظر علمية ماشي اختبار صالح لتحليل سلامة الأغذية.

وانتشر ف منصات التواصل الاجتماعي ف اسبانيا، مؤخرا، فيديو حول جلبانة مغربية تشرات من سوبر ماركت واللي تم إخضاعها للضو ديال پييل الأشعة فوق البنفسجية وبانت بعض البقع وقال ناشر المقطع حرفيا: “لا أعرف ما هي، ولكن… كن حذرًا فيما تشتريه”.