كود – كازا ///
قالت تقارير إعلامية، أن شاب مغربي ف عمرو 28 عام تحكم عليه، مؤخرا، فالمملكة المتحدة، بـ4 سنين و3 أشهر ديال الحبس بعد إدانته بالاعتداء والسرقة فحق أب وبنتو البالغة من العمر 4 ديال السنوات. وصرح القاضي مارك بوري أنه يتوقع ترحيله بعد ما تسالي العقوبة الحبسية الصادرة ف حقو..
وحسب المصادر ذاتها، وقع الحادث ف منطقة (Peel Street Park)، بعد اقتراب الجاني وهو من أصل مغربي، من الضحية وطلب منو گارو، وبعد رفض الضحية يعطيه للي بغا، شد المتهم بنت الرجل واللي عندها 4 سنين ولاحها، وهاجم الضحية بقوة وشفر ليه سلسلة ديال الذهب وهرب..
