الرئيسية > آش واقع > بسباب العطاشات المغربيات ففيرمات ويلبا. منظمات صبليونية راسلات الامم المتحدة
03/06/2020 18:30 آش واقع

بسباب العطاشات المغربيات ففيرمات ويلبا. منظمات صبليونية راسلات الامم المتحدة

بسباب العطاشات المغربيات ففيرمات ويلبا. منظمات صبليونية راسلات الامم المتحدة

كريم الشركي – كود//

ثمنية ديال المنظمات الاسبانية، راسلات نهار الثلاثاء رسالة عاجلة لمنظمات تابعة للأمم المتحدة باش تنبهها للانتهاكات الخطيرة للحقوق اليي كيعانيو منها العمال الموسميون المغاربة اللي كيجمعو الفواكه من حقول ويلبا.

الشكوى حذرات من أن وباء كورونا عرَّض هاد العمال لأشكال جديدة من الاستغلال “بسبب نقص العمالة لإغلاق الحدود ، فضلاً على زيادة الإفلات من العقاب فحالات العنف ، وخاصة العنف الجنسي بسباب الصعوبات فالوصول للقضاء لتقديم شكاية “.

ووصلت هذا الموسم 4 آلاف امرأة وصافي لويلبا وبقيت أكثر من 10 آلاف فالمغرب حقاش تسدات الحدود بسبب كورونا.

بالإضافة إلى ذلك ، ستنكرات المنظمات ظروف العمل اللي كيعاني منها العمال المغاربة منها، عدم وجود مسافة أمان أو كمامات ، ومشاركة المنازل بين العمال، و اللي كتكون أحيانًا حاويات تجارية، مافيهاش تهوية ومع مراحيض بعيدة وبدون مياه.

موضوعات أخرى

06/07/2020 16:15

التقشف والغاء التوظيفات ولكريدي من الخارج ومواجهة التوتر الاجتماعي..مشروع قانون مالية تعديلي ف ظرفية صعيبة غايدوز غدا فالمجلس الحكومي