كود – كازا ///

قالت وسائل إعلام فرنسية، أن 3 ديال الخوت كيحملو الجنسية المغربية تحكم عليهم من طرف محكمة أوريلاك، يوم الثلاثاء، بـ7 سنين للواحد، بسباب الاتجار ف الكوكايين والكيف.

وحسب المصادر ذاتها، هاذ الأشقاء كانو حاكمين لازون ديال تولوز وكانتال، بترويج مخدرات كتبلغ قيمتها السوقية بثلاثة ملايين يورو. التوقيف ديالهم جا غير بالصدفة.

ودجنبر 2020، وقفو البوليس شيفور طوموبيل تجاوز السرعة المحددة ولقاو عندو رزمة ديال 10,000 يورو مغلفة بغشاء بلاستيكي، وبفضل الكلاب البوليسية، اشتبهوا في وجود عملية تهريب مخدرات.

وبعد تحريات مطولة، تم كشف المتهمين والأسلوب اللي خدامين بيه، بعد تعاون الشيفور، اللي خبر البوليس بترويج هاذ الريزو العائلي لما يقارب 50 كيلو من الكوكايين، و150 كيلو من القنب ف فترة قصيرة.