مصطفى الشاذلي – كود سبور///

بزنيس مان وجدي تجند باش يعتق المولودية من الغرق. والحديث هنا على رجل الأعمال جمال الدين الخلفاوي، لي تم إقناعه باش يشد نادي فارس الشرق لي واحل فمشاكل كثيرة انعكست على نتائج الفريق في الدوري المغربي للمحترفين لهاد الموسم، لي باديه بمستوى كارثي.

وتستنجد بالخلفاوي يتكلف بهاد المهمة بعد تدخل من والي جهة الشرق، معاذ الجامعي، لي اتصل، وفق ما أكدته مصادر مطلعة لـ “كود”، برجل الأعمال الوجدي وقنعو باش يشد النادي ويعتقو من هاد الوضعية الصعيبة التي يعيشها.

وذكرت المصادر أن الجامعي تلاقى هادي يومين بالخلفاوي وهضر معاه في الموضوع، وهو اللقاء لي خرج بالاتفاق على قيادة جمال الدين دفة تسيير النادي في المرحلة المقبلة، ولي باقي مخداش قرار نهائي فالموضوع.

والخلفاوي كان رياضي لعب فعدد من الأندية فالمغرب وخارجه، وحاليا هو من رجال الأعمال الكبار فالدار بالبيضاء.