وكالات//

كتفكّر الحكومة البريطانية، اللي كترأسها وزيرة العدل شبانة محمود، توسّع الاستعمال ديال الإخصاء الكيميائي باش يحاربو الجرائم الجنسية، خصوصا اللي كتوقع ضدّ الدراري الصغار.

وهاد التوجّه جا حسب ما قالت جريدة “الديلي ميل”، من بعد ما دارو تجربة أولية على حوالي 100 سجين فحبس واتون فمقاطعة نوتنغهامشاير، واللي بيّنات النتائج ديالها أن النسبة ديال الناس اللي كيرجعو يديرو جرائم جنسية نقصات بزاف من بعد ما خداو هاد العلاج.

الإخصاء الكيميائي هو واحد العلاج طبي، كيستعملو فيه دوايات كتنقص من هرمون التستوستيرون، وهادشي كينقص من الرغبة الجنسية.

وهاد العلاج راه مؤقت، يعني إلى وقف الشخص على الدوا كيرجع كلشي كيف ما كان، ولكن كاينين دراسات كيبينو أنو كيقدر ينقص من احتمالية تكرار الجرائم الجنسية حتى لـ40%.

وزيرة العدل باغا توسّع هاد البرنامج ويوصل لـ20 حبس فـ إنجلترا وويلز، ومع الوقت يمكن يطبقوه ف البلاد كلها.

وكيفكرو حتى فإمكانية يديرو هاد العلاج إجباري لبعض الناس اللي مدانين فجرائم جنسية خطيرة.