اسماء غربي – كود//

وصلات السيدة الأولى ديال فرنسا، بريجيت ماكرون، نهار الأربعاء 22 أبريل لمدينة الرباط فزيارة رسمية عندها طابع ثقافي ودبلوماسي ، هاد الزيارة جات باش تشارك فافتتاح “المسرح الملكي اللي تسالات فيه الأشغال من  2021.

و حسب جريدة فرنسية، هاد السفر كيتعتبر حدث خاص عند بريجيت ماكرون، حيث قليل فين كتسافر بوحدها بلا ما تكون مع راجلها ، وهاد الزيارة هي الرابعة ديالها برا فرنسا فطول هاد السنوات اللي دازت فالإليزيه.

اختيارها تكون حاضرة فهاد الافتتاح كيبين باللي العلاقات بين المغرب وفرنسا ولات قوية خصوصاً من بعد الموقف الفرنسي اللي اعترف بسيادة المغرب على الصحراء ديالو الصيف اللي فات،كيف ما الزيارة كتعزز الروابط بين العائلة الملكية المغربية والعائلة الرئاسية الفرنسية، خصوصاً من بعد لقاءات سابقة بين الطرفين.

ومن الحوايج اللي بانُو مميزين فهاد الزيارة، هو أن بريجيت ماكرون سافرات فطائرة عادية ديال الخطوط الجوية الفرنسية، وما استعملاتش طائرة رسمية ديال الدولة.