وكالات//

توصلات المغنية الميريكانية المشهورة بريتني سبورز لاتفاق نهائي باش تفارق مع راجلها لي صغير عليها في العمر سام أصغري، وطلقو رسميا.

هادشي جا على حساب ما نشرو المحامي ديلها في المجلة المعروفة “بيلبورد”.

وهاد القرار جا باش ينهي نهائيا العلاقة ديال الزواج لي كانت بيناتهم ولي دامت تقريبا 14 شهر صافي.

على حساب ماقالت الصحافة ديال ميريكان فراجلها أصغري هو لي طلب من شهر غشت لي فات الطلاق منها، بسباب “مشاكل ميمكنش ليها تتحل” على حساب ماقال.

وغير باش تعرفو راه برتني سبورز، وواخا الفرق الكبير في العمر مع اصغري، كانت مرتبطة بيه من عام 2016، فين صور معاها الفيديو كليب ديال الأغنية ديالها “Slumber Party”.