كود سبور //

بروكلين بيلتز، ولد ديفيد بيكهام وفيكتوريا، خرج بالعلالي وقال بلي ما عندوش نية يتصالح مع عائلتو، وزاد بلي سنين وهو ساكت وباغي يخلي المشاكل وسط الدار، ولكن والديه بقاو كيهاجموه هو ومراتو نيكولا في الإعلام، وهاد الشي خلاه يقرر يهدر ويدافع على راسو لأول مرة فحياتو.

بروكلين ركّز بزاف على مراتو نيكولا، وقال بلي عائلتو ما كانتش كتحترمها، واتهم مّو بلي بدلات لبسة العرس لمرتو، وزاد قال بلي حتى نهار العرس أمّو خطفت أول رقصة ورقصت معاه قدّام الناس عوض ما تكون مع مراتو، وهاد الشي حشم بيه.

وزاد بلي المشاكل ما حبساتش هنا، حيث والديه ضغطو عليه باش يتنازل على حقوق اسمو مقابل الفلوس، ومني مبغاش تبدلات معاملتهم معاه، وقال بلي عندهم سمية بيكهام أهم من العائلة، وأنو طول حياتو مكانش مرتاح معهم حتى بعد منهم.