الرئيسية > كود-تيفي > بروفيت الزعيم.. رابور مغربي مشا لميريكان ملي كان عندو 12 عام ورجع دابا لبلادو – فيديوهات
11/07/2020 12:00 كود-تيفي

بروفيت الزعيم.. رابور مغربي مشا لميريكان ملي كان عندو 12 عام ورجع دابا لبلادو – فيديوهات

بروفيت الزعيم.. رابور مغربي مشا لميريكان ملي كان عندو 12 عام ورجع دابا لبلادو – فيديوهات

نجوى المالحي-كود//

طه “بروفيت الزعيم” ولد كازا وكبر فيها حتى وصل لـ12 العام ومن بعد انتقل للعيش فامريكا، وبالضبط فمدينة لوس اونجلس المعروفة بالراب. كبر مع بزاف ديال روابا بحال “واي جي” والمنتج “ديجي موستارد” وغنى مع “تاي دولا ساين” اللي عندو أغاني فيها ملايين المشاهدات في يوتوب.

بروفيت الزعيم رجع للمغرب هادي أقل من عامين، ولكن دار بلاصتو بالزربة فالضومين ديال الموسيقى حيت عندو ستيل ديالو بوحدو مبدل على الروابا المغاربة خصوصا أنه كايمزج فالأغاني ديالو بين الدارجة والانكَليزية.

بروفيت الزعيم عزيز عليه يجرب ألوان موسيقية أخرى من غير الراب بحال الراي والشعبي بحال في الأغنية ديالو “ترشرش” اللي تشهرات فالأحياء الشعبية واللي فيها الشعبي.

بروفيت الزعيم خرج ثلاثة ديال الألبومات، ودابا كايوجد ألبوم صيفي غادي يكونو فيه مشاركة ديال فنانين كبار بحال إيهاب أمير وبتعاون مع شركات إنتاج كبيرة.

الزعيم كايصرف على الألبومات ديالو من عندو وكايقول انه كايدير الموسيقى حيت كايبغيها من صغرو وكايبغي الجمهور ديالو اللي عاونو وثاق فيه من أول نهار في المغرب.

موضوعات أخرى

14/08/2020 11:00

شطاحة فينيزويلية كتهضر على حياة الليل فالمغرب: كيقول عليه دولة محافظة لكن فالليل كيولي كلو حرية ونشاط.. والسواعدة كيلوحو علينا حفنات كبار دالفلوس عمري شفتهم فحياتي

14/08/2020 09:14

المغرب لعب دور فهاد العلاقات الاماراتية الاسرائيلية. نسيب ترامب وكبير مستشاريه تلاقى بمحمد بن زايد فالمغرب هادي عام. دابا واش الرباط غادية تكون هي الثانية بعد ابو ظبي وتفتح سفارتها فتل ابيب؟