الرئيسية > تبركيك > بروفايل.. شكون هو رئيس الحكومة عزيز أخنوش 
07/10/2021 22:30 تبركيك

بروفايل.. شكون هو رئيس الحكومة عزيز أخنوش 

بروفايل.. شكون هو رئيس الحكومة عزيز أخنوش 

كريم الشركي – كود //

عزيز أخنوش من مواليد 1961 فـ تافراوت، وهو رئيس سابق لمجموعة “أكوا” صاحبة العلامة التجارية “إفريقيا كَاز”.

وأخنوش حاصل على دبلوم ف مجال تدبير المقاولات من جامعة شيربروك بكندا. وهو مؤسس للعديد من المقاولات العاملة ف قطاعات اقتصادية مختلفة.

وهو الأمين العام لحزب التجمع الوطني للأحرار من 29 أكتوبر 2016، وتولى أخنوش منصب رئيس مجلس جهة سوس ماسة درعة ما بين 2003 و2007. وكان عضو بمجموعة التفكير عند الملك الحسن الثاني حتى لـ 1999، وهو عضو حتى ف المجلس الإدراي لمؤسسة محمد السادس لحماية البيئة، وعضو مسير بمؤسسة محمد السادس لإعادة إدماج السجناء.

وتعين اخنوش وزير للفلاحة والصيد البحري والتنمية القروية والمياه والغابات ف 2007.

وتعين أخنوش من طرف الملك محمد السادس رئيسا للحكومة المغربية ف 10 سبتمر 2021، وذلك بعد تصدر حزبو لنتائج الانتخابات التشريعية المغربية اللي دارت نهار 8 سبتمبر 2021، وجا هادشي بعد 5 سنوات من العمل الكبير اللي دارو الحزب تحضيرا للانتخابات.

أخنوش قدر ياخد رئاسة الحكومة بفضل برنامجو الإنتخابي اللي تاقو فيه لمغاربة.

وأخنوش متزوج بسلوى ادريسي، وعندو 3 أطفال.

موضوعات أخرى

19/10/2021 18:00

هاد الجيل الجديد غايدوز فالضو حيت عندو مقررات مدرسية فيها افكار تنويرية حداثية متصالحة مع الرافد العبري كمكون مهم من الهوية المغربية ماشي فحالنا حنا جيل التسعينات لي كان أول درس كانلقاوه قدامنا فالتحضيري فحصة “التفتح الفني” هوا ارسم الكفار / ارسم المسلمين ! آشمن تفتح آ ودي ؟ كبرنا فالظلام والتخلف

19/10/2021 16:00

هاد القرار كان خاصو يتدار شحال هادي، أنا نيت فاش لقحت ولقيت راسي باقي خاص ندخل مع التسعود وممنوع من الحمام ولاصال وشلا بلايص بحالي بحال لي مملقحش جاتني في شكل، إذن علاش غادي ينوض الواحد يتلقح وهو داخلو الشك فيه

19/10/2021 15:30

ارميلي غاتخدم بمقاربة استباقية فـ معالجة مشاكل كازا.. وأولها تجنب تكرار السيناريو ديال فيضانات العام الفايت – تغريدة