الرئيسية > كود سبور > بروح رياضية.. لاليكا الإسبانية قلبتها شعبي وكتغني وتبارك للمغاربة التأهل
07/12/2022 11:21 كود سبور

بروح رياضية.. لاليكا الإسبانية قلبتها شعبي وكتغني وتبارك للمغاربة التأهل

بروح رياضية.. لاليكا الإسبانية قلبتها شعبي وكتغني وتبارك للمغاربة التأهل

كود سبور//

احتفلت رابطة الدوري الإسباني لكرة القدم بتأهل المنتخب الوطني المغربي إلى ربع نهائي كأس العالم قطر 2022، على حساب منتخب بلادها البارح فثمن نهائي المونديال بالبيلانتيات.

وبكل روح رياضية قررت “لاليكا” تبارك للمغاربة اللي كيلعبو فالفرق الإسبانية التأهل لربع نهائي كأس العالم قطر 2022، واخا كان الخصم الخاسر هو منتخب إسبانيا، وجهت رسائل التهنئة لكل من ياسين بونو حارس إشبيلية، وصحابو فالفرقة يوسف النصيري، وجواد ياميق مدافع بلد الوليد وعبد الصمد الزلزولي لعاب أوساسونا.

وتفاعلت رابطة الدوري الإسباني مع فرحة المغاربة بالتأهل التاريخي ديال المغرب لربع نهائي كوب ديموند ونشرت فوسائل التواصل الاجتماعي عبارات الفرحة وبدات تبارك بالدارجة المغربية وغنات أغنية ديال المغنية المغربية أسماء لمنور وقالت: “وليدات المغرب رجال سبوعة.. ها حنا جِينا لا تَقُولُوا ما جِينا، هاد الفَرْحَة اليَوْم شحال تُسَنِّينا.. مبروك مبروك”.

وتأهل المنتخب الوطني المغربي لربع نهائي كأس العالم قطر 2022، لأول مرة فتاريخ الكرة المغربية من بعدما ربح منتخب إسبانيا بالبيلانتيات فماتش بطولي شاركو فيه لعابا مغاربة كيلعبو فالدوري الإسباني لكرة القدم وفمقدمتهم ياسين بونو حارس إشبيلية واللي حرم الاسبان من تسجيل ضربات الترجيح اللي ربحها المغرب بنتيجة 3 لزيرو.

https://www.facebook.com/187991754570725/posts/pfbid02mXLKigJ2w74mWXJA6xrDZkz6SABK6xuyQjzichNJRM16ZDHreLtPZExcecjkfd9wl/?mibextid=Nif5oz

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب