كود الرباط//

طالب مستشار برلماني، قبل قليل، من وزير الداخلية عبد الوافي لفتيت، يتدخل ويفك الناس من الابتزاز للي كيتعرضو ليه قدام محطات الترانات فعدد من المدن.

وقال البرلماني محمد صبحي ورئيس جماعة سيدي العروسي بإقليم الصويرة، خلال دارسة مشروع الميزانية الفرعية لوزارة الداخلية بمجلس المستشارين، قبل قليل فلجنة الداخلية، بأن صحاب الطاكسيات كيمارسو الابتزاز ضد المواطنين فعدد من محطات القطارات سواء ف أكدال ولا فطنجة ولا لوازيس ولا فمراكش مع السياح.

البرلماني صبحي، استقلالي، بهاد التصريح غادي ينوض عليه صداع نقابات الطاكسيات الصغار، واخا انه فعلا كاين تصرفات هرگاوية لطاكسيات الصغار ضد المواطنين وضد صحاب التطبيقات لي عتقو بزاف ديال المغاربة من أزمة الترونسبور.