كود الرباط//

كشفت غيثة مزور، وزير الانتقال الرقمي وإصلاح الإدارة، بأنه تم تجرد وتدوين جميع المساطر الإدارية في المغرب كله، مؤكدة بأن هذه العملية محطة محطة مهمة في الشفافية.

وأوضحت مزور، خلال جلسة المساءلة الشفوية اليوم الاثنين، بأن “دبا كثر من 1500 قرار إداري منشور في بوابة إداراتي.ما” خدمنا قانون 55.19 كيعطي اهمية للاستثمار وهو لي كيتعلق ب 22 مسطرة تخص الاستثمار وقمنا تبسيط وتم حذف 45 في المائة من هاد المساطر”.

وتابعت  الوزيرة هادشي عكسنا فالواقع وقمنا بدورات تحسيسية في المملكة باش الموظفين على المستوى الجهوي “.

لكن برلماني من الأغلبية خالد شناق، عن الفريق الاستقلالي، له رأي آخر، وأكد بلي هاد التبسيط ديال المساطر غير حبر على ورق مشيرا بلي المواطنين فاش يمشيو مثلا لشي جماعة وكيبغي يطبق هاد تبسيط كيجاوبو الموظف بلي معارفش هاد قانون تبسيط المساطر.

وشدد شناق بلي فالجماعات الترابية كاينا عرقلة كبيرة على مستوى بوابة التراخيص الاقتصادية وتعثر كبير، رغم أنه عرف نجاح كبير في بعض القطاعات الأخرى.

الوزيرة مزور ملقاتش باش تجاوب من غير السجل العدلي، اللي كتعتبر الوثيقة الوحيدة تقريبا لي ممكن تحصل عليها بسرعة بدون تعقيد فالمساطر، ودافعت على السجل العدلي، مضيفة بلي كذلك حذف شهادة الحياة حسن من الجودة.

وتابعت مزور :”عارفين بلي المغاربة باغين كثر وحنا خدامين على هادشي لتحسين الخدمات”.