الرئيسية > آش واقع > برلمانيي البيجيدي غيستفدو من دورات “بريتيش كنسول” باش يحسنو لغتهم النكَليزية
13/02/2020 10:20 آش واقع

برلمانيي البيجيدي غيستفدو من دورات “بريتيش كنسول” باش يحسنو لغتهم النكَليزية

برلمانيي البيجيدي غيستفدو من دورات “بريتيش كنسول” باش يحسنو لغتهم النكَليزية

عفراء علوي محمدي- كود//

البرلمانيين ديال حزب العدالة والتنمية تقيدو فدورات مدرسة “بريتيش كانسول” ، باش يحسنو لغتهم النكَليزية، والبارح سناو معاها عقد باش يستفدوا من دورة مدتها عام كامل.

وغردات المدرسة التابعة للبعثة البريطانية، فحسابها الرسمي على موقع التواصل الاجتماعي “تويتر”، كتقول “حنا مفتخرين فالقنصلية ديالنا بدعم اللجنة البرلمانية لحزب العدالة والتنمية في تطوير مهارات أعضاءها فاللغة الإنجليزية”.

وزادت المدرسة اللي عندها فروع فالمغرب كامل، فالتغريدة نفسها، بللي برلمانيي البيجيدي غيستفدو من تدريب من فبراير 2020 حتى لمارس 2021.

وكتدير قنصلية بريطانيا دورات لتحسين اللغة النكَليزية عند المبتدئين والطلبة، وكذلك الموظفين والمهنيين،  باش يبنيو مهاراتهم فقواعد ومفردات اللغة، ويتمكنو من التواصل بها بسلاسة.

ومعروف بللي ثقافة أغلب أعضاء الحزب الإسلامي مقتولة فاللغات، حيت كل مرة يجربو يتكلمو بشي لغة أجنبية كيجرو موراهم الانتقادات والسخرية، كيف ما كان وقع مع الأمين العام دالحزب نيت، سعد الدين العثماني، فاش تبارطاجات واحد الفيديو ديالو كيتكلم فيها بنكَليزية ركيكة، وكذلك وزير الاتصال والناطق الرسمي باسم الحكومة الأسبق مصطفى الخلفي اللي طلقو عليه “موسيو جو سوي كلير” من بعد ما بان ماكايقشع والو فالفرنسية فواحد لانترفيو مع راديو “أوروب 1”.

موضوعات أخرى

29/03/2020 21:30

الفايك نيوز مزدهر فزمن الحجر الصحي على كورونا بكازا .. مرا قالت لجارتها ان السلطة استعنات بسبوعا حديقة الحيوان لإجبار الناس يگلسو فديرهم.. و بنادم ولا باغي كلشي فابور من الكونيكسيون والكراء والما والضو