كود الرباط//

فضحت سلوى الدمناتي، البرلمانية الاتحادية عن مدينة طنجة، شعارات الحكومة بخصوص ازمة التشغيل فالبلاد، وقالت باي ضمن 4 مليون شاب بدون دراسة وعمل ولا تكوين، كاين 10 الاف شاب ضمنهم قاصرين مشاو يحرگو لاسبانيا فشواطئ الشمال.

البرلمانية الشمالية قالت بلي هي مشات وشافت بعينها مأساة الحريگ، وأكدت بلي هاد الحريك مكانش غير فليلة 15 شتنبر، بل امتد لأكثر من شهر.

وقالت الدمناتي بأنها شافت امهات كايدافعو ويلبسو ولادهم فالبحر باش يحرگو وكيفتخرو بهم، مشيرة بلي فاش كيوصلو هاد القاصرين والشباب لأرض المهجر كيفتخرو بهم ابناء الاحياء ديالهم.

وهضرت البرلمانية الاتحادية على ارتفاع البطالة وضعف مصداقية توقعات الحكومة خصوصا في نسبة النمو، حيث جميع السنوات الماضية لم تحقق توقعات الحكومة.

وفي سياق متصل نبهت البرلمانية ذاتها، الى  اكثر من 16 الف مقاولة افلست هذه السنة، وهناك توقعات الى ان الرقم سيرتفع السنة المقبلة.