كود الرباط ///

علمت “كود” باللي برلمانية شابة من فريق البام تلقات توبيخ من مسؤول حزبي (…)، لا لشيء سوى بأنها دخلت طول وعرض في وزير الثقافة المهدي بنسعيد خلال مناقشة مشروع الميزانية الفرعية لوزارة الثقافة والاتصال.

هاذ البرلمانية تدخلت بتلقائية، ولم تضع خطوطا لا حمراء ولا خضراء، وقالت إن ورزازات محكورة واخا أنها معروفة بالصناعة السنيمائية. طبعا ما كذباتش

واخا تعرضت للتوبيخ وتجباد الودنين، وفق مصدر “كود” رفضت التراجع على ما عبرت عنه من مواقف، وأعلنت أنها غاديا تبقى تدافع على مدينتها مهما طرا ليها، واخا كاع يعاقبوها

هاذ البرلمانية اللي دارت خدمتها مصاحبة مع ديك البرلمانية البوحاطية، وسبق ليها تاهمات رئيس فريق بالتحرش. طلع داك الشي غير تصفية حسابات صغيرة معاه، حيت ما تيخليهاش تناول الكلمة أمام رئيس الحكومة ولا وزير الفلاحة.