كود الرباط//
هاجمت عويشة زلفى، النائبة البرلمانية عن الفريق الاشتراكي بمجلس النواب، تجاهل الحكومة للأسئلة الآنية الموجهة لها من طرف فريقها، والتي بلغ عددها أكثر من 300 سؤال لم تجيب عنها القطاعات الوزارية.
وكشفت البرلمانية عويشة، النائبة عن جهة كلميم وادنو، عن توجيه فريقها النيابي لـ848 سؤال إلى القطاعات الحكومية، أجيب عن ما يقارب 500 سؤال .
وقالت عويشة زلقى :”حنا هنا ماشي كنتبادلو رسائل غرامية بغينا حلول ولا نريد نكتب ليك وتكتب لي، صيفط ليا نصيفط ليك.. “، مضيفة :”بغينا حلول حقيقية لهاد القضايا، كنحطو أسئلة آنية.. فما الهدف من هاد الأسئلة إلى بقات بلا أجوبة؟”.
رئيس الجلسة الطالبي العالمي، جاوبها بلي هادشي لي قالت مغاديش يتسجل فالمحضر لأنه مداخلش فنقطة نظام حول تسيير الجلسة.
