كود الرباط//

علمت “كود” من مصدر مطلع، أن جماعة كزناية التي يسيرها حزب الاستقلال، تعيش على انقسام حاد وتوتر مستمر بين أعضاء الاغلبية.

وكشفت مصادر “كود” بلي هاد الجماعة للي كتعيش على وقع فوضى التعمير وخروقات بالجملة وغارقا بالازبال والفوضى ف الاسواق، كان ناقصها غير الصراعات على الكراسي والامتيازات والمكاسب، والمدابزات بين أعضاء الأغلبية.

اخر فصول هاد الحروب بين الاستقلاليين في جماعة كزناية لي كيترأسها المستشار البرلماني الاستقلالي محمد بولعيش، هي فاش وجه مستشار جماعي وكاتب مجلس جماعة اكزناية المسمى زكريا، شكاية ضد زميله المعروف في حزب الاستقلال بمنطقة كزناية، والمستشار الجماعي بنفس الجماعة، بعدما وجه له انتقادات وتساؤلات في مداخلة حول وضعية الشأن المحلي.

الصراع بين أغلبية جماعة كزناية وصلت للسوشل ميديا وتبادل الاتهامات، مما ينذر بالمزيد من الانقسامات وسط حزب الاستقلال مع اقتراب السنة الانتخابية.

هاد الجماعة فيه كتلة انتخابية مهمة، ومسيطر عليها حزب الاستقلال عن طريق “أعيان” الانتخابات للي معندهمش مع الانتماءات الحزبية، فقط لي عطاهم التزكية يجيبو ليه اصوات.

مصادر مقربة من المعارضة فهاد المجلس كشفت بلي “بزاف ديال اعضاء الاغلبية كيتسناو غير شي مساج من فرقاء سياسيين اخرين خصوصا الاتحاد الاشتراكي والاحرار باش يقلبو على المجلس ف ظل تزايد الشكايات على رئيس الجماعة وفضايحو”.

كزناية فالشمال، هي من بين الجماعات لي فيها كتلة انتخابية مهمة، وكيسيرها حزب الاستقلال بـ 22 عضو مستشار من اصل 28 مستشار مجموعة أعضاء المجلس الجماعي.

حزب الاستقلال لي تسناو بركتو دخل للجامع ببلغتو، مقدرش يجيري غير جماعة كزناية بقا ليه غير رئاسة الحكومة.

مصادر “كود” قالت بلي نزار بركة، امين عام حزب الاستقلال ممسوقش كاع لمشاكل المنتخبين والدليل هادشي لي واقع ف جماعة كزناية.