كود الرباط//

قال نزار بركة، وزير التجهيز والماء، إن الوضعية المائية للمغرب صعبة بعد تراكم 5 سنوات ديال الجفاف، لذلك الحكومة اقترحات تدابير جديدة من دورية وزير الداخلية لوقف التبذير واستعمال معقلن للمياه وتقليص الماء على الشبكات وإذا اقتضى الأمر اقتطاع الماء لساعات.

وأضاف بركة اليوم بمجلس المستشارين: “عندنا كميات قليلة ديال الما خصنا نحافظو عليها باش نلقاو باش ندوزو الصيف”.

وأفاد الوزير بأن حوض أبي رقراق، فيه نسبة ملء السدود بـ19 في المائة”، مضيفا: “باش نكون معكم واضح ايلا مقمناش بالمشروع الملكي ديال الربط بين سبو أبورقراق كنا غانقطعو الماء يوم 18 دجنبر على ناس كازا والرباط”.

وأضاف: “اليوم استطعنا ندخلو 115 مليون متر مكعب بفضل ربط الأحواض المائية، باش توصل نسبة الملء 19 في المائة”.