كود – وكالات //

سحابة ديال الرماد طلعات فالسما تال 15 كيلومتر فالجو بسباب بركان أناك كراكاتوا  فإندونيسيا، الشي لي خلا حركة الطيران تخربق فالجو.

السلطات سدّات عدد من المطارات، لي من بينها مطار سوكارنو هاتا فجاكرتا، وتلغا آلاف الرحلات. وأكثر من 340 ألف فواياجور  لقاو راسهم واحلين.

https://x.com/SilentlySirs/status/2097060377729077588/video/1?s=46

حتىً فالأرض الرماد وصل لمناطق سكنية ، وخلا السلطات تنصح السكان يقللو من الخروج، كيف ما توقفات القراية  الحضورية فالمدارس لي كاينة فالمنطقة بسبب الدخان.

أناك كراكاتوا ماشي بركان عادي، الاسم ديالو مرتبط بكارثة 2018، ملي تسبب تفركيع البركان فـتسونامي قاتل خلّى مئات الضحايا.