كود سبور//

ربحو نهضة بركان الماتش الأخير قبل فينال كاس الكونفدرالية الإفريقية، وبفوز اليوم الثلاثاء على المغرب التطواني ضمن مؤجل الدورة 26 من البطولة الاحترافية لكرة القدم.

الماتش بين نهضة بركان والمغرب التطواني اللي تلعب فتيران بركان، سالا بنتيجة 3 لجوج لمصلحة البركانيين، اللي قدرو يعززو بهاد الرباح المركز ديالهم الثالث فالبطولة الاحترافية المؤهل إلى كاس الكونفدرالية الأفريقية، وعندهم 46 نقطة على بعد 5 النقاط من الوداد الرياضي مول المركز الرابع، ومازال عند بركان ماتش مؤجل مع الرجاء الرياضي، امام المغرب التطواني بقات عندهم 34 نقطة وكيحتلو المركز 9.

هذا الرباح غايهز المورال لنهضة بركان قبل فينال كاس الكونفدرالية الأفريقية ضد الزمالك المصري الاحد الجاي، خصوصا وان الفريق البركاني كان تقصا قبل ايام من سدس عشر نهائي كاس العرش.