كود سبور- زنجبار//

متأخرين نهضة بركان فروتور فينال كأس الكونفيدرالية الأفريقية اللي بادي دابا فزنجبار ضد سيمبا التنزاني.

وسالا الشوط الأول بين نهضة بركان وسيمبا بنتيجة واحد لزيرو لمصلحة التنزانيين، وماركا لهم جوشوا موطالي فالدقيقة 17، وكانوا نهضة بركان يقدرو يرجعو فالنتيجة من خلال فرصة ديال أسامة المليوي، ولكن الگول ديال التنزانيين تدخل وخرج الكورة من الشبكة وفرصة ثانية بواسطة المليوي تاني وكامرا اللي زگلو الهدف بسبب قلة التركيز والتسرع قدام المرمى.

ومطالبين نهضة بركان أنهم يماركيو على الأقل هدف التعادل، أو يخرجو خاسرين بواحد لزيرو، وما يتماركا عليهم حتى هدف حتى يسالي الماتش باش يربحو اللقب بمجموع نتيجتي مبارتي الذهاب والإياب اللي هي حتى لدابا 2-1 حيث بركان ربحو الذهاب فالمغرب بجوج لزيرو.