كود سبور//

يواصل فريق نهضة بركان الاقتراب من تحقيق كاس الكونفدرالية الإفريقية لهذا الموسم، وقدر الفريق يتأهل لدومي فينال المسابقة.

ونجح نهضة بركان وتأهل للدومي فينال بعد ربح أسيك ميموزا الايفواري، اليوم الاربعاء فروتور ربع نهائي كأس الكونفدرالية، فتيران بركان بنتيجة واحد لزيرو، وهو الهدف اللي ماركاه اسامة المليوي فالشوط الثاني من الماتش.

وتأهل نهضة بركان إلى نصف نهائي كأس الكونفيدرالية الافريقية، بمجموع ماتشات الذهاب والاياب، اللي هو 2 لزيرو، مع العلم ان ماتش الذهاب ربحوه بركان بواحد لزيرو فالكوت ديفوار.

وغايلعبو نهضة بركان اما ضد قسنطينة الجزائري او المواطن ديالو اتحاد العاصمة، ويقدر يتعاود الدومي فينال ديال النسخة الماضية اللي ما تلعبش، بسبب تبرهيش الكابرانات اللي هددو الفريق الجزائري وخلعوهم إلى لعبو ضد نهضة بركان حيث الفريق البركاني كانت عندو خريطة المغرب فالتوني، وهذا الشي راه معقد عسكر الجزائر.