الرئيسية > كود سبور > براڤو.. المنتخب المغربي لأقل من 18 عام خدا الميدالية البرونزية من الجزاير بعدما ربح تركيا بـ4
04/07/2022 19:00 كود سبور

براڤو.. المنتخب المغربي لأقل من 18 عام خدا الميدالية البرونزية من الجزاير بعدما ربح تركيا بـ4

براڤو.. المنتخب المغربي لأقل من 18 عام خدا الميدالية البرونزية من الجزاير بعدما ربح تركيا بـ4

كود سبور //

ربح المنتخب الوطني المغربي لأقل من 18 عام الميدالية البرونزية فكرة القدم فإطار ألعاب البحر الأبيض المتوسط (وهران 2022)، بعد الانتصار ديالو فماتش تحديد المركز الثالث فالبطولة اللي لعبو هاد العشية ضد المنتخب التركي بـ4 لـ2.

وكان منتخب تركيا هو اللي سبق وسجل فالميطا اللولة قبل ما يماركي اللعاب المغربي أنهاري التعادل لفريقنا الوطني اللي لعب ميطا زوينة.

ومع بداية الميطا الثانية زاد المهاجم ريحاني البيت الثاني لأشبال الأطلس بطريقة واعرة بزاف، ومن بعدها بسباب خطأ فالدفاع ديالنا قدرات تركيا ترجع فالماتش وماركات التعادل.

ولكن الوليدات ماهبطوش يديهم، خصوصا وأنهم كانو لاعبين ماتش واعر، وقدرو يزيدو فرضو الريتم ديالهم ويجيبو انتصار مستحق بعدما زادو هدف ثالث من مورير اللي حط الكرة فالشبكة من بعد تمريرة من الأنطاكي، وقبل ما يسالي الماتش غيأمن عمر صادق السكور لصالح أشبال الأطلس بالبيت الرابع.

موضوعات أخرى

07/08/2022 19:30

البي جي دي مع الجزائر ضد المغرب.. بجوجهم هزو مدافعهم ضد الملك محمد السادس بصفتو رئيس لجنة القدس على أحداث غزة: كيفاش الاخوان المسلمين فالمغرب ولاو كيضربو ففموقف الدبلوماسية