كود سبور//

بدا الدولي المغربي براهيم دياز، كايوجد باش يرجع يلعب مرة اخرى وفأقرب وقت، وهذا الشي بعد الاصابة اللي كانت جاتو قبل أسبوعين مع الفريق ديالو ريال مدريد الاسباني.

وبدا براهيم دياز اليوم الجمعة، برنامج التداريب الانفرادية بحصة فالسونطو ديال ريال مدريد، بتداريب خفيفة باش يبدا يرجع اللياقة البدنية ديالو، بعدما توقف منذ ايام على اللعب بسبب الاصابة.

للاشارة فالناخب الوطني وليد الركراكي، قرر عدم استدعاء براهيم دياز لماتشات المنتخب الوطني المغربي الجوج ضد افريقيا الوسطى خلال التوقف الدولي الجاي برسم اقصائيات كاس افريقيا 2025، واكد ان الطاقم ديال ليكيب ناسيونال فتواصل مع الطاقم التقني ديال ريال مدريد بخصوص مستجدات الحالة الصحية للاعب.