وكالات//

الناشط الفلسطيني سامر سنجلاوي علن باللي النجمة العالمية أنجلينا جولي ناوية تدير قرية ديال الرعاية للأطفال اليتامى فـ قطاع غزة، فمبادرة إنسانية الهدف منها مساعدة الأطفال اللي تأثروا بالحرب الأخيرة، والمساهمة فجهود إعادة إعمار القطاع.

وفـ جلسة نقاش افتراضية دارتها المؤسسة الألمانية “كانديد”، قال سنجلاوي: “كنت عارف بالمخطط ديال أنجلينا جولي باش تدير قرية كبيرة لإنقاذ اليتامى فغزة”، وأكد أن هاد المبادرة كتشكل دعم مهم من المجتمع المدني إلى جانب المجهودات اللي كديرها الحكومات.

وحسب جريدةThe National، الأمم المتحدة كتقدّر باللي تكلفة إعادة إعمار غزة ممكن توصل حتى 80 مليار دولار، وكتتوقع أن العملية غادي تاخد سنين طويلة.

أنجلينا جولي كانت من قبل عبّرات على القلق ديالها من “عدم المساواة” فالعالم، وقالت حتى باللي ما خاصش يكون استهداف للمدنيين فغزة،

حيت العنف ما خاصوش يقتل الأبرياء ولا يحرّمهم من الماكلة، ولا المأوى، ولا من الحق الأساسي فأنهم يلقاو ملجأ آمن.