كريم الصوفي – كود//

[email protected]

قالت تقارير إعلامية إسبانية، أن المتهم البرازيلي اللي متابع بقتل ثلاثة مشردين من بينهم مغربي فـ برشلونة قبل باش يتحكم عليه بـ 63 عام ديال الحبس، مع إمكانية الإفراج المشروط  بعد 30 عام من السجن النافذ.

وارتكب المتهم هاذ الجرائم ف أبريل 2020، والضحايا كلهم كانو كيعيشو بلا مأوى وكيعانيو من مشاكل ديال إدمان المخدرات وكان كيغفلهم وهما ناعسين وكيضربهم للراس بقضيب ديال الحديد.

وحسب المصادر ذاتها، المتهم البرازيلي ماكانش عندو تصرح إقامة وعانى المتهم من اضطراب في الشخصية غير محددو واضطرابات خطيرة بسبب تناول المنشطات والماريجوانا والكحول مما أثر بشكل طفيف على قدراته المعرفية والإرادية.