وكالات //
نفى الممثل الميريكاني براد بيت الخبار اللي كانت كتروج على أنه قريب يعتازل ، ووضح بللي التصريحات ديالو السابقة ماكانش نهائيا كيقصد بيها موضوع الاعتزال.
براد بيت اللي فعمرو 58 عام، قال للصحافة فباريس، بللي فاش صرح وقال “كنستاعد للفصل الأخير”، ما قصدتش أنه قريب يعتازل التمثيل.
وقالت الصحافة بللي براد بيت قصد أنه غادي يختار أعمالو المقبلة وفق شروط ماشي كيف قبل، وغادي يزيد يستمتع بحياتو الشخصية لأقصى درجة.
https://m.youtube.com/watch?v=R8t95Oybtf0
براد بيت قدم نهار الإثنين، الفيلم ديالو فباريس “بولت تراين” (Bullet Train)، اللي غيبدا العرض ديالو للجمهور فميريكان نهار 5 غشت الجاي.
