كود سبور//

نفى عبد الصمد بدوي لاعب الرجاء الرياضي كل ما كيروج بخصوص تلقيه عقوبة من طرف مدرب الفريق جوزيف زينباور، هو وصاحبو فالفريق محمد سبول حيث لعبو شي ماتش فالزنقة.

وخرج عبد الصمد بدوي فسطوري فأنستغرام، علق فيه على داكشي اللي كيروج من منع زينباور له هو محمد سبول من التداريب وإحالتهما على اللجنة التأديبية للنادي. حيث لعبو ماتش ودي مينيفوت فشي تيران ديال القرب فبوسكورة ونزلهم ليسبوار.

وقال عبد الصمد بدوي: “حسبنا الله ونعم الوكيل.. إن جاءكم فاسق بنبإ فتبينوا أن تصيبوا قوما بجهالة فتصبحوا على ما فعلتم نادمين”.