كود سبور//

انتقد البطل المغربي والعالمي فالكيك بوكسينك بدر هاري، الهجوم الإسرائيلي على الفلسطينيين فقطاع غزة اللي بدا الليلة الماضية، واعتبر أنه إبادة جماعية وماشي حرب على مسلحين.

وخرج بدر هاري صباح اليوم الاثنين وحط سطوري فأنستغرام قال فيه: “كاع الفيديوات كتشوفهم غير الموت.. كيتهزو الناس للسبيطارات، وكيفركعوهم حتى كيوليو أشلاء على الأرض”.

وكمل البطل المغربي وقال: “ما كتشوف حتى فلسطينيين مسلحين، وما كيبنوش ليك كيدورو فالزنقة والشوارع بالبنادق ديالهم.. وما كايبانوش ليك الاشتباكات أو كيرميو شي حاجة.. هذا ماشي قتال وماشي حرب هادي إبادة جماعية”.