كود كازا ///

علمت “كود” باللي بأمر النيابة العامة تم الاستماع لحد الان ل4 اشخاص فيهم مؤثرين وغيرهم فقضية اتهام الاسود بالتآمر والخيانة فماتش ربع نهاية كأس العالم ضد فرانسا.

النيابة العامة تحركات ضد كل شخص اتهم شي حد اللعابة او غيرهم بالخيانة والتآمر

المكتب المديري للجامعة الملكية المغربية لكرة القدم كان قرر باش يواجه هاد العينة. وشدد المكتب باللي من حق المواطن كيف كان ينتاقد اداء الاسود وتدبير المدرب والجامعة وهادا داخل فحرية التعبير والراي ولكن ماشي من حق شي حد يتاهم الاسود بالخيانة والتآمر.

دابا هادو اللي تم الاستماع ليهم كان باشراف النيابة العامة. غادي يتقرر فيهم حالة حالة.

المطلوب من هادو يقدمو للنيابة العامة حججهم على اتهام لاعبين وصلو لربع نهاية كأس العالم ودارو كل جهدهم ورجعو بلادنا السادسة فترتيب الفيفا.