كود سبور//

بدات اليوم الأربعاء فالصبليون، أطوار محاكمة الطلياني كارلو أنشيلوتي مدرب ريال مدريد الإسباني، المتهم بالتهرب الضريبي.

وتوجهات لكارلو أنشيلوتي تهمة الاحتيال على الدولة فالصبليون والتهرب من الضريبة كاتوصل قيمتها لمليون أورو، ما بين  2014 و2015، ملي كان مدرب لريال مدريد فالمرة الأولى، والنيابة العامة الإسبانية تطالب بالحبس ديالو لمدة 4 سنين و9 أشهر.

وبالإضافة إلى التهرب الضريبي، موجهة لكارلو انشيلوتي تهمة إخفاء الدخل الحقيقي ديالو ورا شركات وهمية، وبالمقابل كاينكر هو هاذ الاتهامات الموجهة له.