الرئيسية > كود سبور > بحضور لقجع.. ها شنو واقع فالحصة التدريبية الأخيرة ديال المنتخب قبل ماتش البرتغال
09/12/2022 16:18 كود سبور

بحضور لقجع.. ها شنو واقع فالحصة التدريبية الأخيرة ديال المنتخب قبل ماتش البرتغال

بحضور لقجع.. ها شنو واقع فالحصة التدريبية الأخيرة ديال المنتخب قبل ماتش البرتغال

كود سبور//

بدات عشية اليوم الجمعة، الحصة التدريبية الأخيرة ديال المنتخب الوطني المغربي قبل ماتش ربع نهائي كاس العالم قطر 2022، ضد البرتغال وكتعرف حضور جميع اللعابا ولكن ماشي كاملين مشاركين فالتداريب الجماعية.

وكتعرف الحصة التدريبية فتيران الدحيل فالعاصمة القطرية الدوحة، حضور 26 لعابا ديال المنتخب الوطني المغربي ولكن 22 كيتدربو بشكل عادي كمجموعة، فالوقت اللي 4 ديال اللعابا كيتدربو بوحدهم، وسط أجواء حماسية بين العناصر الوطنية والطاقم تقني بقيادة وليد الركراكي وحضو فوزي لقجع رئيس الجامعة الملكية المغربية لكرة القدم باش يساندهم.

وبالنسبة للعابا الـ4 اللي كيتدربو بوحدهم فكيتعلق الأمر بكل من المهاجم القناص يوسف النصيري والكابيتان غانم سايس، وصاحبو فالدفاع نايف أكرد، وأيضا أشرف حكيمي، مع العلم أن الناخب الوطني وليد الركراكي تحدث فالندوة الصحافية ديالو اليوم اللي كتسبق ماتش المغرب والبرتغال ولمح لوجود إصابات، وأكد أن المنتخب عمرو ما كان جاهز  100% ملي بدا كأس العالم، وأنه غادي يلقاو الحلول فحالة غاب شي لعاب وعطى مثال بحالة نايف أكرد اللي كتحوم الشكوك فحضورو غدا ضد البرتغال.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب