الرئيسية > آراء > بحال نادي القضاء بحال الودادية. عوض ما يقولو اللي تورط منا ما عندو علاقة بينا هدرو غير على قضاة التدوينات صافي
29/11/2020 11:00 آراء

بحال نادي القضاء بحال الودادية. عوض ما يقولو اللي تورط منا ما عندو علاقة بينا هدرو غير على قضاة التدوينات صافي

بحال نادي القضاء بحال الودادية. عوض ما يقولو اللي تورط منا ما عندو علاقة بينا هدرو غير على قضاة التدوينات صافي

كود هناء ابو علي ///

نادي قضاة المغرب دار بيان. هدر فيه غير على إحالة قضاة على المجلس الأعلى للسلطة القضائية، على خلفية تدوينات تم نشرها على موقع التواصل الاجتماعي “فايسبوك”. قال باللي هاد الشي “ضرب لحريتهم فالتعبير”.

غريب هاد الشي. النادي عارف باللي تم فصل قضاة بسباب تدوينات وفيديوهات ومازال اعضاء منو كينشرو تدوينات والنادي كيتشكى. هاد الشي غريب.

النادي هدر بزاف على التدوينات وعلى سمعة القضاء وصورتو وعلى تحريك المتابعات “فسياق مواجهة فيروس كورونا وأعداء الوحدة الترابية، وطلب المجلس الأعلى للسلطة القضائية إلى توجيه جهوده في مراقبة ممارسة القضاة لحرية التعبير، نحو الخيارات الوطنية الكبرى، المرتبطة برفع مؤشرات الثقة في القضاء”

يعني ركز غير على متابعة القضاة 4 للي هو من حقهم ومن حقهم يديرو ندوة صحافية٬ غير اللي غريب هو علاش ما هدروش على عصابة الابتزاز باسم الصحافة اللي ذكرو فيها قاضي من النادي. على الاقل كانو يقولو باللي حنا نثق فالقضاء واللي حصل منا “ليس منا”.

ثم ما جبدوش القاضي لاخر اللي كان فعين السبع ودوز قبل المحمدية وفيها تجبد ليه هاد الملف.

علاش ما يكونش عندهم موقف من القضاة دياولهم اللي مورطين او عندهم شبهة. خاص موقف مبدئى. فهادي دارو بحالهم بحال الودادية الحسنية للقضاة

موضوعات أخرى

23/01/2021 16:30

قيامة 2021 فالصحرا. واش غادي يرجعو “شباب السواعد” لّي مشاو مع البام فالانتخابات الفايتة؟.. و برلماني فالإستقلال مشا مع صاحبو الجماني و قريب يلتاحق ب”الحمامة”

23/01/2021 15:30

فرانسا قربات تعتارف رسميا بمغربية الصحرا. الاعلان على 2 مناطق للتوزيع والتجارة فبير كندوز والگرگرات بين رئيس غرفة التجارة والصناعة الفرنسية وجهة الداخلة

23/01/2021 15:00

معندها حتى معنى أن المدينة تسد كلها مع التمنية ولكن بنهار تاواحد مايلبس لكمامة أو يعقم يديه، الوقاية من كورونا راه باينة دير كمامتك وعقم يديك ووالى عندك شي زهر راه ماغاداش توصلك

23/01/2021 14:30

بنعرفة ما دافعش على منتخبيه مزيان. ما جبدش التصرفيقة اللي عطاها والي الرباط لعمدتها وقلل من الاستقالات: صبرو وصمدو وما طيحوش امام الاستفزاز وراني معتز بيكم