كود سبور- فاس//

ما بقاوش تذاكر ماتش المنتخب الوطني المغربي ضد منتخب البنين، اللي غايتلعب الاثنين الجاي فتيران فاس الكبير وكلشي تباع.

وحسب اللجنة المنظمة للمباراة الودية بين المنتخب الوطني المغربي منتخب البنيني، أن الماتش غايتلعب بگيشيات مسدودين، حيث جميع التذاكر اللي تحطو للبيع تباعو وسالاو.

لاعب المنتخب الوطني المغربي تاني ماتش ودي له فتيران فاس، بعدما لعب ضد تونس الجمعة الماضي، والمباراة ضد البنين غاتكون الاثنين مع 9 الليل.