وكالات//
تفاجؤو بزاف ديال الصيادة ف منطقة ناخون باثوم ف تايلاند بعدما صيدو حوتة من نوع بلطي غير عادية وعندها فم منفوخ بحال للي كيديرو عيالات البوتوكس.
هادشي صدم بزاف الصيادين وقالو إنهم عمرهم شافو هاذ النوع من قبل، من نهار بداو الصيادة في البحيرة.
وقال واحد من الصيادين: “معرفنا منديرو، تصدمنا بزاف، وفكرنا بصح أننا نرجعو هاد الحوتة للبحيرة باش نحافظو على التوازن البيئي”.
@dailymail A strange-looking fish caught in Thailand with giant ‘filler lips’ has left local fishermen baffled. A group of anglers caught the tilapia fish with its swollen ‘Trout Pout’ in Nakhon Pathom, Thailand, on January 9. Poor water quality, including elevated ammonia or nitrite levels, can stress fish, making them more susceptible to infections and physical abnormalities like lip swelling. 🎥: NewsFlare #fish #trout #animals #filler #lipfiller
وزاد كيقول: “تذكرت هادوك المشاهير لي كيخسرو بزاف ديال الفلوس على وجههوم باش ينفخو شواربهم، وهاد الحوتة دارت عملية فابور”.
من جهتهم قالو شي خبراء إن هادشي يقدر يكون عندو علاقة بظروف بيئية ممزياناش، بحال الارتفاع ديال مستويات الأمونيا أو النتريت في الما، وهو شي لي يقدر يتسبب ليها في تشوهات خلقية.
