كود -وكالات//

إيلون ماسك، الملياردير الأمريكي ومول شركة تسلا ومنصة “إكس”، نشر تدوينة كيطنز فيها على إسبانيا بسبب أزمة الهجرة اللي كتعرفها مدينة سبتة، وشبّه المشاهد اللي عرفاتها المدينة بلقطات من فيلم “World War Z”، وقال: “واااو، اللي واقع فإسبانيا كيبان خايب بزاف!”.

https://x.com/i/status/2083034836097192096

من بعد شوية، رجع ماسك ونشر تدوينة أخرى قال بلي إن المنشور الأول كان غير ضحك، ولكن زاد نشر فيديو كيبين آلاف المهاجرين وهم كيحرگو عومان لسبتة، ومعاه، وكتب: “هكذا كانت مريكان فولاية بايدن.”

وهاجم ماسك سياسة الهجرة ديال حكومة بيدرو سانشيز، وقال بلي “الحراگة غا يدمرو الميزانية ديال إسبانيا كاملة.” وضاف، حسب رأيو، أنه إلى كانت إسبانيا كتقدم امتيازات ومساعدات فابور حسن من مستوى العيش ديال أغلب سكان العالم، فهذا غادي يخلي ملايين الناس يبغيو يمشيو لها.

هاد التصريحات كاتجي مع سلسلة ديال الانتقادات اللي عطاها ماسك مؤخراً لحكومة سانشيز، خصوصاً بعد قرار تسوية وضعية  500 ألف حراگ، بالتزامن مع أزمة الهجرة الكبيرة اللي كتعرفها مدينة سبتة.