وكالات//

علنات دار المزادات “فيليبس” نهار الأحد على بيع ساعة من ماركة باتيك فيليب بيربتشوال كالندر بثمن وصل لـ17.6 مليون دولار فـ سويسرا، وهاد الثمن تجاوز داك اللي تباعت بيه نفس الساعة عام 2016 اللي كان 13.64 مليون دولار.

الساعة اللي عندها الرقم المرجعي 1518 تصايْبات عام 1943، ومصنوعة من الفولاذ اللي ماكيتصداش، وهي وحدة من بين ربع ساعات فقط معروفة بهاد المعدن، وهاد الشي اللي خلاها مرغوبة أكثر من النسخ ديال الذهب.

https://twitter.com/NST_Online/status/1987705998988185605?ref_src=twsrc%5Etfw%7Ctwcamp%5Etweetembed%7Ctwterm%5E1987705998988185605%7Ctwgr%5Ec4b11404c4a3f876f12134de0d010aaef4363e20%7Ctwcon%5Es1_&ref_url=https%3A%2F%2Fwww.eremnews.com%2Fentertainment%2Fytdp0v8

الساعة تْعرضات فـ مزاد ما دازش عليه حتى عشر دقايق، وكان فيه خمس مزايدين، وربحها مزايد كان كيدير المزايدة عبر التليفون.

الساعة باتيك فيليب 1518 كانت أول ساعة كرونوغراف فيها تقويم دائم كتنتجها شركة فـ كميات كبيرة فالعالم، ودارت الشركة حوالي 280 نسخة منها، أغلبهم بالذهب.

وخلال المزاد اللي كان فـ فندق بريزيدنت فـ جنيف ودام يومين، تْباعو 207 قطع بمجموع كثر من 82.8 مليون دولار، وهاد الشي دار رقم قياسي جديد فـ تاريخ مزادات الساعات، بمشاركة 1886 مزايد من 72 دولة.