كود الرباط//
علمت “گود” من مصدر مطلع بلي إدارة مهرجان موازين مبقاتش عندها الرغبة تشتغل مع شركة pr media، لأسباب كثيرة، منها سوء الخدمات للي ولات كتقدمها ف السنوات الأخيرة.
وحسب معطيات “گود”، هاد العام غايكون هو اللاخر لهاد الشركة فمهرجان موازين، بحيث تم إخبار الشركة بلي صافي غادي يساليو معها ف موازين.
قرار إدارة فيستيفال موازين، جا فوقتو، باش يخلي شركات اخرى منافسة تدخل للسوق وتشارك وتستفد، بلاصت من استمرار احتكار هاد السوق ديال العلاقات العامة من طرف هاد الشركة بوحدها. راه خاص مجلس المنافسة يتدخل ويدير قرارات تأديبية ضد مظاهر الاحتكار د الصفقات ف سوق العلاقات العامة والتواصل، وحتى صفقات التنظيم د الملتقيات والمهرجانات واللقاءات الرسمية وو.
الشركة للي كيتشكاو منها الصحافيين ف اغلب المحطات للي كاتكون كادبر فيها العلاقات العامة والتواصل، بحال نيت هاد فيستيفال موازين العام لي فات، ومعرض الفلاحة الدولي بمكناس هاد العام وغيرها.
دبا تسربت فالكواليس، بلي هاد الشركة للي جرا عليها حزب الأحرار، كتقلب دير تواصل لعائلة سياسية خرجات عليها تحقيقات صحفية، ومنها دوز لأحزاب اخرى فهاد الانتخابات.
