كود سبور//

غايرجع الدولي المغربي الشاب آدم أزنو يلعب مع الفريق ديالو بايرن ميونخ الألماني ويشارك معه فكأس العالم للأندية الصيف الجاي فالميريكان.

وأعلن بايرن ميونخ فبلاغ له عن عودة آدم أزنو إلى الفريق، جاي من بلد الوليد الإسباني، اللي لعب معه إعارة من شهر يناير الماضي.

وأكد بايرن ميونخ أن أدم أزنو، غايجي للفريق ابتداء من فاتح يونيو المقبل، وغايسافر معهم للميريكان باش يشاركو فمونديال الأندية.

وكان موقعFootafrica ، قال قبل أسابيع أن بايرن ميونخ باغيين يديرو آدم أزنو فلاليست ديال الفريق المشاركة فمونديال الأندية، وغايرجعوه لعندهم مع نهاية هذا الموسم بعد 6 أشهر ديال الإعارة لبلد الوليد الإسباني.

ووضح نفس المصدر، أن بايرن ميونخ قرر هذا الشي بعد الإصابة اللي تعرض لها الكندي ألفونسو ديفيز، واللي سالات له الموسم الرياضي، ودابا بايرن غايرجعو الظهير الأيسر المغربي آدم أزنو باش يلعب فبلاصتو بعدما كانوا صيفطوه إعارة لبلد الوليد يدير ماتشات فرجليه.