عن الوكالات //

بايدن ما حاملش ترامب. واخا بقات ليه غير 4 ايام ويمشي فحالو من البيت الابيض دار خطاب قال فيه اللي بغى. هادا اول خطاب ليه من نهار قال باللي ما غاديش يتقدم للرئاسة.

فهاد الخطاب هاجم ترامب باش جبد ليه افعال عتابرها جرائم وقال “خاصنا نعدلو الدستور باش يكون فيه بوضوح: ما كاين حتى رئيس عندو حصانة ايلى دار جرائم اثناء مزاولتو للرئاسة”.

وهجم على اليمين المتطرف الداعم لترامب ولملايرية “اليوم، كيتشكل فبلادنا حكم الأقلية في أمريكا من الثروة المتطرفة والسلطة والنفوذ اللي كيهدد حرفيا ديمقراطيتنا بأكملها وحقوقنا وحرياتنا الأساسية”.

وطالب باصلاح قانون الضرائب “ماشي من خلال منح التخفيضات الضريبية للمليارديرات، ولكن من خلال جعلهم يبدأون في دفع حصتهم العادلة”.

وطالب الشعب الاميركي باش يكون مستعد وباللي اليوم وصل دورو “اليوم جا وقتكم باش توقفو وتكون واجدين”