وكالات//

كيعيش الرئيس الميريكاني جو بايدن أيام خايبة بزاف، والشعبية ديالو نزلات لمستويات عمهرا ماكانت، على حساب واحد الاستطلاع داروه للمستقلين السياسيين في البلاد.

كتقول نتائج هاد الصونداج أنه غير 27 ف المية من المستقلين باغين يخدمو مع بايدن، وهي أقل نسبة كيحصل عليها على الإطلاق.

وكيعني هاد الرقم أن الشعبية ديالو والرضى من الأدساء السياسي ديالو تراجع بنسبة 8 ف المية مقارنة ع الشهر لي فات.

وعلى حساب ما جا في نفس الصونداج فلي كيفسر هاد التراجع هو الاستياء ديالهم من التعامل ديالو مع الاقتصاد والتدبير ديالو للحرب في غزة.

وكنقصدو بلمستقلين تقريبا 49 فالمية من الميريكانيين لي كيشوفو راسهم مستقلين سياسيا، زعما ما هم جمهوريين وماهم ديمقراطيين.

كيقول منظم الاستطلاع أن هاد النتائج كتبقى تاريخية حيت معمرها ما كانت هابطة مع شي رئيس ميريكاني آخر.