احمد الطيب كود الرباط////

رفض مصطفى بايتاس، الناطق الرسمي باسم الحكومة، الجواب على عدد من أسئلة الصحافيين اليوم الخميس فالندوة الاسبوعية ديال المجلس الحكومي، خصوصا المتعلقة بمواضيع الساعة من قبيل التضخم وأزمة وفرة المنتوجات الغدائية.

الغريب هو ان هاد الناطق الرسمي باسم الحكومة، كيختار ما يجاوبش فالوقت لي كثر الهجوم على الحكومة وكاين استهداف لرئيسها بسباب تدبير أزمة الغلاء، وفي ظل التصريحات المتناقضة بين الفاعلين الرسميين خصوصا التصريحات ديال المندوب السامي للتخطيط أحمد الحليمي للي قال بلي المغرب كيواجهة أزمة تضخم هيكلي بلي كاين مشكل فالوفرة.

هاد الطريقة باش خدام بايتاس كتسيء للحكومة، وكضرب فالمجهودات اللي كادير برئاسة. وهادشي ما يمكنش يتفهم الا نوع من التساهل في أداء الواجب اللي خصو يدار. خصو يطمئن المغاربة والفاعلين بلي ماوصلناش للتضخم الهيكلي. او اعترف بلي وصلنا ليه ويستعدو الناس للازمة.

بايتاس دار منهجية جديدة فالتعامل مع الصحافة، بحيث داير لاليست كولشي خصو يكتب سميتو فيها سميتو يلا بغا يطرح السؤال فالندوة الاسبوعية المخصصة للمجلس الحكومة.

المشكلة ماشي فلاليست أبدا. المشكل فيك يا بايتاس، مكتجاوبش وكيتنرفز دغيا على والو. وفالاخير شفنا النتيجة الصحافة ولاو كيقاطعوك.